राज्यातील अकोला बाजारात आज ज्वारीची आवक कालच्या तुलनेत ५३ क्विंटलने घटून ३१४ क्विंटल झाली. सरासरी दरात ५५ रुपयांची वाढ होऊन आजचा दर २ हजार ४४० रुपये प्रति क्विंटलवर पोहोचला होता.

तर, नंदूरबार बाजारात ज्वारीची आवक २७ क्विंटलने वाढून आज ५३ क्विंटल झाली होती. मात्र सरासरी दर २ हजार ५७५ रुपयांवर स्थिर पाहायला मिळाला. तसेच, तासगाव बाजारात ज्वारीची आवक काहिश्या क्विंटलने वाढून आज २८ क्विंटल झाली होती. तर सरासरी दर ११० रुपयांनी घसरून आजचा दर ४ हजार ८० रुपये प्रति क्विंटल राहिला होता.

उडदाच्या आवकेत बदल

आज अहिल्यानगरमधील कर्जत बाजारात उडदाची आवक कालच्या तुलनेत १८१ क्विंटलने घटून १५९ क्विंटल झाली. सरासरी दरात १०० रुपयांची घसरण होऊन आजचा दर ८ हजार १०० रुपये प्रति क्विंटल होता. तर, कर्जत-राशिन बाजारात उडदाची आवक ३४ क्विंटलने घटून १२३ क्विंटल झाली, मात्र सरासरी दर ८ हजार १०० रुपयांवर स्थिर पाहायला मिळाला.

हिरव्या मिरचीच्या दरात स्थिरता

राज्यातील हिरव्या मिरचीच्या बाजारात पुणे-मोशी येथील आवक ८५ क्विंटलने घटून आज ८२ क्विंटल झाली होती. तर सरासरी दर ३ हजार २५० रुपये प्रति क्विंटलवरच कायम होता. तर विटा बाजारात हिरव्या मिरचीची आवक काहिशी वाढून आज ३० क्विंटल झाली होती. मात्र सरासरी दर ३ हजार २०० रुपयांवर स्थिर राहिला होता. तसेच, रत्नागिरी बाजारातही आज आवकेत आणि सरासरी दरात कोणताही बदल झाला नव्हता. आजची आवक १६ क्विंटल, तर सरासरी दर ३ हजार ५०० रुपये प्रति क्विंटलवर कायम होता.

कोथिंबीर दरात चढ-उतार

आज पुणे-मोशी बाजारात कोथिंबिरीची आवक ५ हजार ४०० नगांनी घटून आज २६ हजार ६०० नग झाली होती. सरासरी दरात किंचीत घसरण होऊन आजचा दर ७ रुपये प्रति नग होता. तर, रत्नागिरी बाजारात कोथिंबिरीची आवक कालच्या तुलनेत आजही ७ हजार ५०० नगावर स्थिर होती. मात्र सरासरी दरात २ रुपयांची वाढ होऊन आजचा दर ११ रुपये प्रति नग झाला होता. तसेच, अकलुज बाजारात कोथिंबीरीची आवक १ हजार नगांनी घटून २ हजार ५०० नग झाली होती. तर सरासरी दरात किंचीत घसरण होऊन आजचा दर ५ रुपये प्रति नग राहिला.