SBI चे चेअरमन सी. एस. शेट्टी यांनी स्वतः ही माहिती दिली आहे. त्यांनी सांगितलं की या आर्थिक वर्षात आम्ही 11 ते 12 हजार कर्मचाऱ्यांची भरती करणार आहोत. यामध्ये क्लर्क आणि ऑफिसर दोन्ही पदांचा समावेश असेल. तसेच 250 नवीन शाखा पण उघडणार आहे. SBI Recruitment 2026:

12 हजार भरती कधी होणार?

शेट्टी साहेबांनी PTI ला बोलताना सांगितलं की, “आम्हाला निवृत्तीमुळे आणि नवीन गरजांमुळे लोकांची गरज आहे. त्यामुळे आम्ही या वर्षाच्या अखेरीपर्यंत जवळपास 12 हजार भरती पूर्ण करू अशी अपेक्षा आहे.” गेल्या वर्षी पण SBI ने खूप मोठ्या प्रमाणात भरती केली होती. गेल्या वर्षी त्यांनी 1500 IT स्पेशालिस्ट ऑफिसर घेतले होते. त्यामुळे यावर्षी त्यांना IT मध्ये एवढ्या जास्त लोकांची गरज नाहीये. पण क्लर्क आणि जनरल ऑफिसरची भरती मोठ्या प्रमाणात होणार आहे. मार्च 2026 पर्यंत SBI मध्ये एकूण 2.45 लाख कर्मचारी काम करतात. त्यामुळे SBI ही भारतात सगळ्यात जास्त नोकऱ्या देणारी कंपनी बनली आहे.

गेल्या वर्षी किती भरती झाली?

बँकेच्या वार्षिक अहवालानुसार, 2025-26 या आर्थिक वर्षात SBI ने एकूण 25,633 लोकांना नोकरी दिली होती. यामध्ये 4,640 ऑफिसर, 19,340 क्लर्क आणि 1,653 कंत्राटी कर्मचारी होते. म्हणजे गेल्या वर्षीपेक्षा यावर्षी थोडी कमी पण तरीही 12 हजार हा आकडा खूप मोठा आहे.

नवीन शाखा पण उघडणार

फक्त भरतीच नाही तर SBI आपलं नेटवर्क पण वाढवत आहे. शेट्टी यांनी सांगितलं की आमचं नेटवर्क आधीच खूप मोठं आहे, पण तरीही काही ठिकाणी अजून शाखांची गरज आहे. जिथे नवीन कॉलनी तयार होत आहेत, जिथे व्यवसाय वाढत आहे, अशा ठिकाणी आम्ही 250 नवीन शाखा उघडणार आहोत. त्या नवीन शाखांसाठी पण नवीन लोकांची गरज लागणार आहे. त्यामुळे ही भरती त्याचसाठी पण उपयोगी पडेल. बँक काही जुन्या शाखा बंद करून नवीन ठिकाणी शिफ्ट करण्याचाही विचार करत आहे. त्यामुळे दरवर्षी 200 ते 250 शाखा वाढतच राहतील.

तरुणांसाठी मोठी संधी

सरकारी नोकरीचं स्वप्न बघणाऱ्या लाखो तरुणांसाठी ही खूप मोठी संधी आहे. SBI ची नोकरी म्हणजे चांगला पगार, सुरक्षित भविष्य आणि सन्मान. त्यामुळे जर तुम्ही बँकेच्या परीक्षेची तयारी करत असाल तर आत्तापासूनच लागा.

लवकरच SBI कडून याबद्दलची अधिकृत जाहिरात येईल. त्यामध्ये पात्रता काय, वय किती, परीक्षा कधी याची सगळी माहिती असेल. सध्या तरी एवढंच कळलंय की 12 हजार पदांसाठी भरती नक्की होणार आहे. त्यामुळे जे कोणी स्पर्धा परीक्षेची तयारी करत आहेत त्यांनी अभ्यासाला लागा. कारण SBI मध्ये नोकरी मिळणं म्हणजे आयुष्य सेटल झालं असं