आठवड्याच्या पहिल्या दिवशी, म्हणजे सोमवारी, भारतीय शेअर बाजाराची सुरुवात तेजीसह झाली. जागतिक बाजारांकडून संमिश्र संकेत मिळत असतानाही देशांतर्गत बाजारात सर्वत्र खरेदी दिसली.

सत्राच्या सुरुवातीलाच मुंबई स्टॉक एक्स्चेंजचा (BSE) सेन्सेक्स ३५० हून अधिक अंकांची उसळी घेऊन ७२,८०० च्या पुढे गेला. तर नॅशनल स्टॉक एक्स्चेंजचा (NSE) निफ्टी २२,६०० ची पातळी ओलांडण्यात यशस्वी ठरला. या तेजीत रिलायन्स इंडस्ट्रीज, टीसीएस, बजाज ऑटो आणि एचसीएल टेक यांसारख्या शेअर्सचा मोठा वाटा राहिला.

सेन्सेक्स आणि निफ्टीत उसळी

सुरुवातीच्या व्यवहारातच बाजाराची भावना पूर्णपणे खरेदीदारांच्या बाजूनं राहिली. सेन्सेक्स ३६१.६५ अंकांनी, म्हणजे ०.५० टक्क्यांनी मजबूत होऊन ७२,८३३.९८ च्या पातळीवर व्यवहार करताना दिसला. निफ्टी १२२.०५ अंकांनी किंवा ०.५४ टक्क्यांनी उसळून २२,६४२.५० च्या पातळीवर पोहोचला. सुरुवातीच्या व्यवहारात १,९२१ शेअर्समध्ये तेजी नोंदवली गेली, तर केवळ ७३३ शेअर्स घसरणीसह बंद झाले आणि २२० शेअर्सच्या किमतींत कोणताही बदल झाला नाही.

क्षेत्रनिहाय निर्देशांकांत संमिश्र कल

क्षेत्रनिहाय कामगिरी पाहिल्यास, ऑटो, एनर्जी, रिअल्टी आणि इन्फ्रामध्ये चांगली खरेदी दिसली. निफ्टी एनर्जीमध्ये ०.७६%, निफ्टी रिअल्टीमध्ये ०.५४%, निफ्टी पीएसईमध्ये ०.७१% आणि निफ्टी इन्फ्रामध्ये ०.४३% वाढ दिसली. तर निफ्टी बँक (-०.१५%), निफ्टी पीएसयू बँक (-०.२५%), निफ्टी आयटी (-०.०५%) आणि निफ्टी एफएमसीजी (-०.१६%) मध्ये किंचित सुस्ती आणि विक्री नोंदवली गेली.

टॉप गेनर्स आणि लूजर्स

आजच्या सुरुवातीच्या सत्रात बजाज ऑटो सर्वाधिक वाढणाऱ्या शेअर्सपैकी एक ठरला. बजाज ऑटो (+२.९२%), बीएसई (+१.७१%), महिंद्रा अँड महिंद्रा (+१.३३%), बीईएल (+१.१८%), डॉ. रेड्डीज (+१.०८%), एचसीएल टेक्नॉलॉजीज (+०.३३%), रिलायन्स इंडस्ट्रीज (+०.२६%), टीसीएस (+०.२०%), इंटरग्लोब एव्हिएशन (इंडिगो) आणि जिओ फायनान्शियल सर्व्हिसेस वाढीसह व्यवहार करताना दिसले. दुसरीकडे टेक महिंद्रा (-४.२७%), अॅक्सिस बँक (-०.९४%), आयटीसी (-०.९४%), भारती एअरटेल (-०.७६%), एसबीआय (-०.६६%) आणि आयसीआयसीआय बँक (-०.४६%) यांच्यावर विक्रीचा दबाव दिसला.