Crime News : कौटुंबिक वादातून शिक्षिका असलेल्या सुनेनं संपत्तीवरून आपल्याच सासऱ्याला संपवल्याची खळबळजनक घटना आहे. पोलिसांच्या माहितीनुसार, आरोपी सुनेनं संपत्तीच्या वाटणीवरून सासऱ्याला घरी बोलावलं, नंतर त्याच्या डोळ्यात मिरचीची पूड टाकून फावड्याने हल्ला करत हत्या केली.

या हल्ल्यात सासऱ्याच्या डोक्याला जबर मार लागल्याने सासऱ्याचा दुर्दैवी मृत्यू झाला. ही घटना उत्तर प्रदेशातील महारगंज जिल्ह्यातील आहे.

कुटुंबात बऱ्याच काळापासून वाद

मृत व्यक्तीची ओळख सच्चाराम गुप्ता अशी समोर आली असून पोलिसांच्या माहितीनुसार, सच्चीराम गुप्ता यांना दोन मुलं आहेत. आरोपा असा की, मोठी सून शोभा गुप्ता ही सासऱ्याला संपत्ती नावावर करण्याची अनेक दिवसांपासून मागणी करत होती. सच्चाराम हे दोन्ही मुलांना त्यांना समान हिस्सा देणार असं सांगायचे. याच मुद्द्यावरून कुटुंबात बऱ्याच काळापासून वाद सुरू होता. हे प्रकरण दिवाणी न्यायालयापर्यंत पोहोचलं होतं. संपत्तीमुळेच हा मृत्यू झाल्याचा संशय आहे.

सासऱ्याला घरी बोलावून फावड्याच्या दांड्याने हल्ला

पोलिसांनी तपास केल्यानंतर समोर आलं की, शोभा गुप्ता यांनी कथितरित्या सच्चाराम गुप्ता यांच्याशी संपत्तीच्या वाटणीवरून चर्चा केली. नंतर त्यांना घरी बोलावले होते. दरम्यान, पोलिसांचे म्हणणं असंय की, रमेश गुप्ता आणि कथित डॉक्टर धनई यादव हे घटनास्थळी दाखल झाले होते. आरोप केला की, रमेश आणि धनई यादव यांना पकडण्यात आले आणि शोभाने सासऱ्यावर फावड्याच्या दांड्याने हल्ला केला. या हल्ल्यात सासरा जबर जखम झाला.

पोलिसांनुसार, आरोपी सुनेनं गुन्हा लवण्याचा प्रयत्न केला होता. डॉक्टरांनी सच्चारामला मृत घोषित केले होते. पोलिसांनी तपास केल्यानंतर समोर आलं की, श्रीकांत चौहान नावाच्या व्यक्तीला घटनास्थळी बोलावण्यात आले होते. मृतदेहाचा चेहरा एका कापड्याने बांधून त्याला फरफटत नेला आणि फेकून देण्यात आला. पोलिसांचं म्हणणं असंय की, खुनाचे पुरावे नष्ट करण्यासाठी आणि संशय दुसऱ्यावर ढकलण्यासाठी हे कृत्य करण्यात आलं, असे पोलिसांचे म्हणणे आहे.

संबंधित घटनेची माहिती मिळाल्यानंतचर पोलिसांनी तपास सुरू केला. पोलीस अधीक्षकांनी सांगितलं की, पोलिसांनी चार तासांतच या प्रकरणाचा छडा लावण्यात आला. मुख्य आरोपी सुनेसह इतर चार जणांना अटक करण्यात आली. पोलिसांच्या म्हणण्यांनुसार, तपासातून मालमत्तेचा वाद हा हत्येमागील कारण असल्याचे उलगडले. पोलिसांनी हल्ला केलेला फावड्याचा दांडा आणि इतर पुरावे जप्त केले आहे .