ताज्या बातम्या

चवळीचे हे 8 आरोग्यदायी फायदे घ्या जाणून


किडनी बीन्स म्हणजेच राजमासारखी दिसणारी चवळी ही भारतातील अनेक घरांमध्ये मसूरसारखीच तयार केली जाते आणि खाल्ली जाते. चवळी ही देखील राजमासारखीच चविष्ट असल्याने, तुम्ही ती स्वादिष्ट जेवणासाठी तयार देखील करू शकता. जर तुम्ही हेल्दी आणि चविष्ट पदार्थाच्या शोधात असाल, तर चवळी ही सर्वाधिक पौष्टिक आहे, जी तुम्ही घरच्या घरी उत्तम पद्धतीने बनवू शकता.

चवळी हा शाकाहारी लोकांसाठी प्रथिनांचा उत्तम स्रोत आहे. त्यात वनस्पती आधारित प्रथिने असतात. याव्यतिरिक्त, चवळीमध्ये भरपूर प्रमाणात फायबर असल्याने ते वजन कमी करण्यास मदत करते. याशिवाय कोलेस्ट्रॉलची पातळी सुधारण्यासाठी चवळीचे सेवन करणे फायदेशीर आहे.

चवळी या वनस्पतीची पाने देखील खाण्यायोग्य आहेत आणि आपल्या शरीराला भरपूर पोषक आणि खनिजे त्यामुळे मिळतात. चवळी खाल्ल्याने आपल्या शरीराला कोणते फायदे होतात ? आणि चवळी कशा प्रकारे सेवन करावी ? • चवळीमध्ये असलेले पौष्टिक घटक :. एक कप शिजवलेल्या चवळीमध्ये (170 ग्रॅम) खालील पौष्टिक घटकांचा समावेश असतो.

कॅलरीज : 194
प्रथिने :13 ग्रॅम
फॅट्स : 0.9 ग्रॅम
कर्बोदके : 35 ग्रॅम
फायबर : 11 ग्रॅम
फॉलेट : 88%
कॉपर : 50%
थिआमिन : 28%
आर्यन : 23%
फॉस्फरस : 21%
मॅग्नेशिअम : 21%
झिंक : 20%
पॉटिशिअम: 10%
व्हिटॅमिन बी 6 : 10%
सेलेनिअम: 8%
रायबोफ्लेविन: 7%. चवळीचे फायदे :-. वजन कमी करण्यामध्ये मदत करते
पचनक्षमता सुधारते
हृदयाचे आरोग्य सांभाळते
शरीराला करते डिटॉक्स
रक्ताभिसरणामध्ये सुधारणे करते
झोपेच्या समस्यांपासून आराम मिळतो
त्वचेची काळजी घेते
मधुमेह नियंत्रित करते
1. वजन कमी करण्यात मदत करते :चवळीमध्ये कॅलरीज आणि चरबीचे प्रमाण कमी असते. त्यामुळे, जे लोक वजन कमी करण्याचा प्रयत्न करत आहेत, त्यांनी आहारामध्ये चवळीचा जरूर समावेश करावा. चवळीमध्ये डायटरी फायबर असतात जे आपली पचनसंस्था सुलभ करतात आणि शरीरातील पोषक तत्वांचे शोषण देखील सुलभ करतात. यासोबतच, चवळी खाल्ल्यानंतर तुम्हाला जास्त वेळ भूक लागत नाही. 2. पचनक्षमता सुधारते
चवळीमध्ये फायबरचे प्रमाण भरपूर असते. जर तुम्हाला पचनाशी संबंधित समस्या, जसे की, गॅसेस, डायरिआ इत्यादी समस्यांचा सामना करावा लागत असेल तर तुम्ही आहारात चवळीचा समावेश करा. पोटाशी संबंधित अनेक समस्यांवर आपल्या आहारातील फायबर हा सर्वोत्तम उपचार आहे. तो शरीरातील विषारी घटक बाहेर टाकण्यास मदत करतो आणि आतड्यांची हालचाल वाढवण्यास मदत करतो. 3. हृदयाचे आरोग्य सांभाळते:-चवळीमध्ये व्हिटॅमिन बी 1 (थायमिन) चे प्रमाण भरपूर असते. ज्यामुळे, आपल्या हृदयाचे आरोग्य सुधारण्यास मदत होते. हे व्हिटॅमिन हृदयाच्या कोणत्याही समस्येपासून आपल्या शरीराचे संरक्षण करते. या व्यतिरिक्त चवळीमध्ये विविध प्रकारचे फ्लेवोनॉईड्स असतात, ज्यामुळे जळजळ कमी होते. आहारातील फायबर देखील शरीरातील कॉलेस्ट्रॉलचे प्रमाण संतुलित करण्यात महत्त्वाची भूमिका बजावतात, ज्यामुळे हृदयविकाराचा झटका आणि स्ट्रोकचा धोका कमी होतो. 4. शरीराला करते डिटॉक्स
अनेक संशोधक चवळीला विविध रोगांशी जोडून बघतात. कारण, या चवळीमध्ये असलेले अँटिऑक्सिडंट्स शरीरातून मुक्त रॅडिकल्स आणि विषारी पदार्थ बाहेर टाकण्याचे काम करतात. जे शरीराला डिटॉक्सिफाय करण्यास मदत करतात. या फ्री रॅडिकल्समुळे अनेक गंभीर आजार होऊ शकतात. 5. रक्ताभिसरणामध्ये सुधारणे करते :-झोपेच्या समस्यांपासून आराम मिळतो
चवळीमध्ये ट्रिप्टोफॅनचे प्रमाण भरपूर असते. जे आपल्या शरीराला चांगली झोप देण्यात आणि आराम देण्यात मदत करते. जर तुम्हाला झोप न येण्याची समस्या किंवा काही बैचेनी वाटत असेल तर झोपण्यापूर्वी चवळीचे सॅलेड खावे. यामुळे, तुम्हाला चांगली झोप येईल आणि तुम्हाला आराम देखील मिळेल.

7. त्वचेची काळजी घेते:-चवळीमध्ये व्हिटॅमिन सी, व्हिटॅमिन ए आणि प्रोटिन्सचे प्रमाण भरपूर असते. व्हिटॅमिन सी आणि व्हिटॅमिन ए अँटिऑक्सिडंट्स म्हणून आपल्या शरीरात काम करतात जे त्वचेचे आरोग्य सुधारतात. अँटिऑक्सिडंट्स वृद्धत्वाची लक्षणे रोखण्यास मदत करतात. चिडचिड कमी करतात, चेहऱ्यावरील डाग बरे करतात आणि सूर्याच्या अतिनील किरणांपासून आपल्या त्वचेचे संरक्षण करतात. 8. मधुमेह नियंत्रित करते
अलीकडच्या काळात, जगभरातील संशोधकांमध्ये चवळीला खूप लोकप्रियता मिळाली आहे कारण, चवळी मधुमेहाच्या रुग्णांसाठी फायदेशीर ठरली आहे. 2018 मध्ये जर्नल ऑफ फूड अँड अ‍ॅग्रिकल्चरमध्ये प्रकाशित झालेल्या एका अहवालामध्ये सूचित करण्यात आले की, आहारात चवळीचा समावेश केल्याने कॅलरीजचे प्रमाण कमी होते. तसेच, चवळी मधुमेह असलेल्या लोकांमध्ये ग्लुकोजचे नियमन करण्यास मदत करते

आम्हाला आशा आहे की तुम्हाला हा लेख आवडला असेल. जर तुम्हाला काही प्रश्न विचारायचे असतील तर आम्हाला तुमच्या प्रश्नांची उत्तरे द्यायला छान वाटेल. तुम्ही तुमचे प्रश्न आम्हाला कमेंट बॉक्समध्ये विचारू शकता.


Related Articles

Leave a Reply

Your email address will not be published. Required fields are marked *