राज्यातील लातूर बाजारात हरभऱ्याची आवक कालच्या तुलनेत ३३ क्विंटलने घटून आज ३८६ क्विंटल झाली होती. सरासरी दरात १०० रुपयांची घसरण होऊन आजचा दर ६ हजार २०० रुपये प्रति क्विंटल होता.

तर, नागपूर बाजारात हीच आवक काहिशी घटून आज ३२७ क्विंटल झाली, सरासरी दरात ८२ रुपयांची वाढ होऊन आजचा दर ६ हजार ६६० रुपये प्रति क्विंटल होता. तसेच, अकोला बाजारात हरभरा आवक कालपेक्षा ९५ क्विंटलने घटून आज १९५ क्विंटल झाली होती. तर सरासरी दरात ३०० रुपयांची घसरण होऊन आजचा दर ६ हजार रुपये प्रति क्विंटल पाहायला मिळाला.

हळदीच्या दरात किंचित वाढ

हिंगोली बाजारात हळदीची आवक कालच्या तुलनेत ३०५ क्विंटलने घटून आज २ हजार १०० क्विंटल झाली. मात्र, सरासरी दरात १०० रुपयांची वाढ होऊन आजचा दर १५ हजार ६२५ रुपये प्रति क्विंटल झाला. तसेच, मुंबई बाजारात हळदीची आवक शनिवारच्या तुलनेत २७ क्विंटलने वाढून आज ३३ क्विंटल झाली होती. तर, सरासरी दर १९ हजार रुपये प्रति क्विंटलवर स्थिर राहिला.

वांग्याच्या भावात बदल

आज पेन बाजारात वांग्याची आवक कालच्या तुलनेत ४२ क्विंटलने घटून आज ३६६ क्विंटल झाली. मात्र, सरासरी दर ३ हजार ६०० रुपये प्रति क्विंटलवर स्थिर राहिला. तर, नागपूर बाजारात वांग्याची आवक ४५० क्विंटलने घटून आज ३०० क्विंटल झाली असून, सरासरी दरात १०० रुपयांची घसरण होऊन आजचा दर १ हजार ३७५ रुपये प्रति क्विंटल राहिला. तसेच, पुणे-मोशी बाजारात वांग्याची आवक काहीशी वाढून आज २०७ क्विंटल झाली. सरासरी दरात २५० रुपयांची वाढ होऊन आजचा दर २ हजार २५० रुपये प्रति क्विंटल झाला.

पालकच्या दरात सुधारणा

राज्यातील छत्रपती संभाजीनगर बाजारात पालकाचे आवक कालप्रमाणे आजही १३ हजार नगांवर स्थिर होती. मात्र, सरासरी दरात ३९५ रुपयांची वाढ होऊन आजचा दर ६ रुपये प्रति नग होता. तर, पुणे-मोशी बाजारात पालकाची आवक ८०० नगांनी वाढून आज ५ हजार १०० नग झाली, मात्र सरासरी दर १० रुपये प्रति नगावरच स्थिर होता. तसेच, नागपूर बाजारात पालकची आवक काही प्रमाणात घटून १३० क्विंटल झाली होती. सरासरी दरात ३७५ रुपयांची वाढ होऊन होऊन आजचा दर ३ हजार २५० रुपये प्रति क्विंटल झाला.

लिंबाच्या आवकेत बदल

नागपूर बाजारात लिंबाची आवक कालच्या तुलनेत दुप्पट होऊन आज ७० क्विंटलवर पोहोचली होती. सरासरी दरात १ हजार ६२५ रुपयांची वाढ होऊन आजचा दर ९ हजार ३७५ रुपये प्रति क्विंटल झाला होता. तर पुणे-मोशी बाजारात लिंबाची आवक १३ क्विंटलने घटून ३९ क्विंटल झाली, तर सरासरी दरात ८ हजार रुपयांची घसरण होऊन आजचा दर ११ हजार रुपये प्रति क्विंटल होता. तसेच, छत्रपती संभाजीनगर बाजारात हीच आवक किंचीत वाढून ३० क्विंटल झाली होती. सरासरी दरात ५०० रुपयांची घट होऊन आजचा दर १२ हजार रुपये प्रति क्विंटल पाहायला मिळाला.