उत्तर प्रदेशातील उन्नावमधून एक धक्कादायक बातमी समोर आली आहे. येथे एका तरुणाने आपल्या 18 वर्षीय प्रेयसीवर क्रूरपणे बलात्कार (Rape) केला.
यादरम्यान आरोपीने प्रेयसीच्या प्रायव्हेट पार्टमध्ये रॉड टाकला. दुसरीकडे, पीडित मुलगी रक्तस्त्रावामुळे असहाय्य झाल्यानंतर आरोपी तिला सोडून पळून गेला. काही वेळाने पीडितेचा मृत्यू झाला. पीडित मुलगी दलित कुटुंबातील असून ती बीएससीचे शिक्षण घेत होती. कुटुंबीयांच्या तक्रारीवरून पोलिसांनी आरोपी प्रियकरावर गुन्हा दाखल करून त्याला ताब्यात घेतले आहे.
गुरूवारी विद्यार्थिनीचा मृतदेह तिच्या राहत्या घरी अंगणात रक्ताने माखलेल्या अवस्थेत आढळला. ही माहिती मिळताच पोलिसांनी घटनास्थळ गाठून मृतदेह ताब्यात घेऊन शवविच्छेदन केले. यामध्ये पीडितेसोबत झालेल्या अत्याचाराची संपूर्ण कहाणी स्पष्ट झाली. यानंतर संशयाच्या आधारे पोलिसांनी एका तरुणाला ताब्यात घेऊन चौकशी केली असता, त्याने संपूर्ण गुन्ह्याची कबुली दिली. त्याचा कबुलीजबाब ऐकून पोलीस अधिकारीही हैराण झाले आहेत.
विद्यार्थीनी दोन वर्षांपासून आरोपी राजच्या संपर्कात होती. तिने छातीवर राजचे नाव गोंदवले. पोलिसांना हा टॅटू पाहताच संशय आला, त्यानंतर कुटुंबीयांची चौकशी करत पोलीस आरोपी राजपर्यंत पोहोचले. दुसरीकडे पीडितेच्या आईने सांगितले की, ती अंगणवाडी सेविका आहे, तर तिचा पती शिक्षक आहे. ही मुलगी त्याच्या तीन मुलांपैकी सर्वात मोठी होती.
आईने सांगितले की, गुरुवारी घरी नाश्ता करून ती कामावर निघाली होती. दोन्ही लहान मुलेही शाळेत गेली. घरात फक्त विद्यार्थिनी एकटीच होती. यादरम्यान आरोपीने घरात घुसून आपल्या मुलीसोबत हा गुन्हा केला. त्यांनी सांगितले की, त्यांची धाकटी मुलगी दुपारी एकच्या सुमारास शाळेतून परतली तेव्हा तिला अंगणात तिची बहीण मृतावस्थेत दिसली.
प्रकरणाचे गांभीर्य पाहून पोलिसांनी डॉक्टरांच्या पथकाने शवविच्छेदन करून घेतले. या अहवालात मृत्यूचे कारण प्रायव्हेट पार्टमधून जास्त रक्तस्राव असल्याचे सांगण्यात आले आहे. यासोबतच विद्यार्थिनीवर झालेल्या पाशवी बलात्काराचीही पुष्टी झाली आहे.
✍️✍️हे ही वाचा
नवगण न्युज वर प्रेस करून ज्वाईन करा वॉट्सअप्प ग्रुप
नवगण डोअर बीड वर प्रेस करून पहा सुंदर डोअर डिझाईन
लोकशाही न्युज वर प्रेस करा व पहा ताज्या बातम्या
