महाराष्ट्र विधानसभा निवडणुकीचे चित्र स्पष्ट झाल्यानंतर आता प्रचाराला जोर आला आहे. मात्र याचा दरम्यान बोदवड तालुक्यात अपक्ष उमेदवारावर प्रचार रॅली सुरू असतांना कारमधून आलेल्या दोन हल्लेखोरांनी गोळीबार केल्याचा धक्कादायक प्रकार समोर आला आहे.
या घटनेमुळे राजकीय वर्तूळात खळबळ उडाली आहे.
याबाबत असे की, मुक्ताईनगर-बोदवड मतदार संघामधून विनोद सोनवणे यांनी अपक्ष उमेदवारी दाखल केली असून त्यांनी आज शिरसाळा येथील जागृती मारोती मंदीरात जावून प्रचाराचा नारळ फोडून प्रचाराला सुरूवात केली आहे.
त्यानंतर त्याचा प्रचार दौर बोदवड तालुक्यात सुरू झाला. बोदवड तालुक्यातील राजूर गावात विनोद सोनवणे यांची प्रचार रॅली सुरू असतांना कारमधून आलेल्या दोन हल्लेखोरांनी त्यांच्यावर गोळीबार केला. या घटनेमुळे बोदवड तालुक्यातील एकच खळबळ उडाली आहे. या गोळीबारमध्ये कुणालाही दुखापत झालेले नाही. दरम्यान याबाबत अपक्ष उमेदवार विनोद सोनवणे यांनी या वृत्ताला दुजोरा दिला आहे.
