दिवाळीच्या पाच दिवसांपैकी भाऊबीज हा दिवाळीमधील शेवटचा सण म्हणून साजरा केला जातो. रक्षाबंधनाप्रमाणे या सणालाही खूप महत्त्व आहे. हा सण तो भाऊ आणि बहिणीमधील प्रेमाचे प्रतीक आहे. या दिवशी बहिणी आपल्या भावाच्या कपाळावर टिळक लावतात.
काही जण भाऊबीजेच्या दिवशी उपवास देखील करतात. तसेच हातात एक धागा देखील बांधला जातो. या दिवशी बहिणी आपल्या भावाच्या सुख आणि समृद्धीसाठी प्रार्थना करतात. भाऊबीजला यम द्वितीया असेही म्हणतात.
भाऊबीजच्या दिवशी मृत्युदेवता यमराजाचीही पूजा केली जाते. या दिवशी बहिणी आपल्या भावांच्या कपाळावर कुंकू आणि तांदळाचे दाणे लावतात, नंतर त्यांना ओवाळतात. भाऊ देखील आपल्या बहिणींना प्रेमाने भेटवस्तू देतो. भाऊबीजेला बहिणी आपल्या भावाच्या कपाळावर टिळा का लावतात, जाणून घ्या
भाऊबीज शुभ मुहूर्त
पंचांगानुसार, द्वितीया तिथीची सुरुवात बुधवार, 22 ऑक्टोबर रोजी रात्री 8.16 वाजता होणार आहे आणि या तिथीची समाप्ती गुरुवार, 23 ऑक्टोबर रोजी रात्री 10.46 वाजता होईल. यावेळी भाऊबीजेचा सण गुरुवार, 23 ऑक्टोबर रोजी साजरा केला जाणार आहे, या दिवशी भावाला ओवाळण्यासाठी शुभ मुहूर्त दुपारी 1.13 ते 3.28 पर्यंत आहे.
काय आहे भाऊबीजेचा इतिहास
प्राचीन आख्यायिकेनुसार, यमराजाची बहीण यमुना या दिवशी बऱ्याच दिवसांनी तिच्या भावाला भेटली. यमराज यमुनेच्या घरी आला. त्यानंतर यमुनेने तिच्या भावाला एका आसनावर बसवले. तिने त्याला तिलक लावला आणि त्याची ओवाळले. त्यानंतर तिने यमराजाला स्वतःच्या हातांनी बनवलेले जेवण खाऊ घातले. यमराज आपल्या बहिणीच्या पाहुणचाराने खूप खूश झाला.
बहिणी आपल्या भावाच्या कपाळावर टिळक का लावतात
यमराज खूश होऊन त्याने आपल्या बहिणीला वर मागण्यास सांगितले. यमुनेने तिच्या भावाकडे वर मागितला: “या दिवशी जी बहीण तिच्या भावाला टिळक लावेल आणि त्याला स्वतःच्या हातांनी बनवलेले अन्न खाऊ घालेल, त्याला त्रास दिला जाणार नाही.” यावर यमराजांनी आपल्या बहिणीला हे वरदान दिले, म्हणून हा सण साजरा केला जातो आणि बहिणी आपल्या भावाला तिलक लावतात आणि ओवाळतात. या दिवशी भावाला औक्षण केल्याने आणि क्षमतेनुसार दान करावे. भावाच्या कपाळावर तिलक लावल्याने त्याचे अकाली मृत्यूच्या धोक्यापासून संरक्षण होते, अशी मान्यता आहे.
भाऊबीजेचे काय आहे महत्त्व
हा सण भाऊ-बहिणींमधील प्रेम, विश्वास आणि संरक्षणाचे प्रतीक आहे. या दिवशी बहिणी आपल्या भावांच्या कपाळावर टिळा लावतात आणि त्यांच्या दीर्घायुष्यासाठी आणि चांगल्या आरोग्यासाठी प्रार्थना करतात.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. नवगण न्युज24 या तथ्यांची पुष्टी करू शकत नाही.)
