Crime news : सहा वर्षांच्या मुलीवर सामूहिक बलात्कार,५ वेळा नमाज पठण करतो म्हणून हायकोर्टाकडून आसिफची फाशीची शिक्षा रद्द
Crime news : ओडिशा उच्च न्यायालयाने सहा वर्षांच्या मुलीवर सामूहिक बलात्कार प्रकरणात अकील अली आणि आसिफ अली यांची फाशीची शिक्षा रद्द केली. आरोपींना ट्रायल कोर्टाने फाशीची शिक्षा सुनावली होती, पण ओडिशा उच्च न्यायालयाने अकिल अलीची निर्दोष मुक्तता केली आणि आसिफ अलीची फाशीची शिक्षा जन्मठेपेत बदलली.
आरोपीची शिक्षा कमी करताना ओडिशा उच्च न्यायालयाने सांगितले की, ‘आरोपी दिवसातून अनेक वेळा नमाज अदा करतो आणि त्याने स्वतःला अल्लाहला समर्पित केले असल्याने तो कोणत्याही शिक्षेला सामोरे जाण्यास तयार आहे. ‘न्यायालयाच्या आदेशानुसार, अकील आणि आसिफ यांनी दि. २१ ऑगस्ट २०१४ रोजी चॉकलेट खरेदी करण्यासाठी गेलेल्या सहा वर्षीय मुलीचे अपहरण केले आणि नंतर ती नग्नावस्थेत आणि बेशुद्ध अवस्थेत सापडली.
तिला रुग्णालयात नेले असता तिच्यावर बलात्कार झाल्याचा संशय डॉक्टरांना आला. तेथून पीडितेला कटकच्या एससीबी मेडिकल कॉलेज आणि हॉस्पिटलमध्ये रेफर करण्यात आले. रुग्णालयात नेत असताना वाटेतच तिचा मृत्यू झाला. तिच्या चुलत भावाने नंतर उघड केले की अपीलकर्ते आसिफ अली आणि अकील अली यांनी तिला जबरदस्तीने नेले होते.
या प्रकरणी पीडितेच्या मावशीने आसिफ आणि अकीलसह अन्य दोन जणांविरुद्ध एफआयआर दाखल केला होता, ज्यात पोलिसांनी आरोपपत्र दाखल केले होते. ट्रायल कोर्टाने तिला आयपीसी च्या कलम ३०२, ३७६-डी, ३७६-ए आणि POCSO कायद्याच्या कलम ६ अंतर्गत दोषी ठरवले आणि आरोपींना फाशीची शिक्षा सुनावली. या शिक्षेविरोधात अकील आणि आसिफ यांनी उच्च न्यायालयात अपील केले होते.
उच्च न्यायालयाने अकिल अलीला आयपीसी च्या कलम ३०२/३७६-अ/३७६-डी आणि POCSO कायद्याच्या कलम ६ अंतर्गत सर्व आरोपातून निर्दोष मुक्तता केली. तर, न्यायालयाने आसिफला आयपीसीच्या कलम ३०२/३७६-ए आणि POCSO कायद्याच्या कलम ६ अंतर्गत दोषी ठरवले आणि त्याला जन्मठेपेची शिक्षा सुनावली. उच्च न्यायालयाने आपल्या निकालात म्हटले आहे की, ‘सुमारे सहा वर्षांच्या मुलीवर हा गुन्हा अत्यंत भीषण, अभद्र आणि रानटी पद्धतीने करण्यात आल्याचे रेकॉर्डवरून सिद्ध झाले आहे, परंतु हा खटला परिस्थितीजन्य पुराव्यावर आधारित आहे.
