आजकाल लग्नाबाबत लोकांच्या अपेक्षा प्रचंड वाढल्या आहेत. मुलगा असो वा मुलगी आपला जोडीदार कसा हवा, याबाबत त्यांच्या प्रचंड अपेक्षा असतात. म्हणूनच आयुष्यभराचा जोडीदार शोधताना प्रत्येकजण आपल्या इच्छा अपेक्षा व्यक्त करतो.
मात्र, आता एक रशियन तरुणी भलतीच चर्चेत आली आहे. जी रस्त्यावर फिरत आपल्यासाठी नवरदेव शोधत आहे. तिला भारतीयच नवरा हवाय.
तिचे अनेक झाले आहेत, ज्यात ती इंडियन नवरदेव शोधत असल्याचं सांगत आहे. मात्र, नवरदेव शोधण्यासाठीची तिची पद्धत अतिशय अजब आहे. ती चक्क एक क्यूआर कोड घेऊन फिरत आहे. तिचा हा व्हिडिओ बघताच अनेक तरुणांनी यावर निरनिराळ्या कमेंट केल्या आहेत.
डिजिटल युगात वाढत्या स्पर्धेमध्ये लोकांना स्वतःसाठी योग्य जोडीदार कसा आणि कुठे शोधायचा हे जाणून घेणे आता कठीण झाले आहे. यासाठी डेटिंग ॲप्सचा वापर केला जातो. असं असूनही लोकांना योग्य ती जुळवाजुळव होत नसल्याचं अनेकदा दिसून येतं. अशीच एक रशियन तरुणी जोडीदाराच्या शोधात भारतात आली आहे. तिने तिच्या प्रोफाइलशी लिंक केलेला QR कोड प्रिंट केला आहे आणि तो सार्वजनिक ठिकाणी लावत आहे. त्यावर लिहिलं आहे की लग्नासाठी भारतीय मुलगा पाहिजे.
व्हायरल होत असलेला व्हिडिओ सोशल मीडिया प्लॅटफॉर्म इन्स्टाग्रामवर dijidol नावाच्या अकाऊंटवरून शेअर करण्यात आला आहे, जे या मुलीचं स्वतःचं अकाऊंट आहे. हा व्हिडिओ शेअर केल्यानंतर 3 दिवसात 9.1 मिलियन म्हणजेच 91 लाख लोकांनी तो पाहिला आहे, तर 1.5 लाखांहून अधिक लोकांनी लाईक देखील केला आहे. यावरील कमेंट सर्वात मनोरंजक आहेत. एका यूजरने लिहिलं – मला सांगा कुठे येऊ? त्याचवेळी, दुसऱ्या वापरकर्त्याने लिहिलं – वहिनी मिळाली!
