कांदा हा तसा सर्वच घरी सहज उपलब्ध असणारा घटक आहे. पण अनेक जण कच्चा कांदा खातांना नाक मुरडतात. पण कच्चा कांदा तुमच्या आरोग्यासाठी खूप महत्त्वाचे असून, अनेक समस्यांपासून मुक्ती मिळू शकते. जाणून घ्या कच्चा कांदा खाण्याचे फायदे. साधारण प्रत्येक घरात कांद्याचा वापर केला जातो. काही लोकांना कांदा खायला आवडतो तर काही लोक ते खाणे टाळतात. पण आरोग्याच्या दृष्टीने विचार केला तर ते खूप फायदेशीर आहे. एखाद्या पदार्थात कांदा टाकला तर त्याची टेस्ट डबल होते. याशिवाय सलाद म्हणून देखील कांदा खाणे खूप फायद्याचे आहे. उन्हाळ्यात तर रोज कच्चा कांदा खाण्याचा सल्ला दिला जातो. कच्चा कांदा खाल्ल्याने अनेक समस्यांपासून मुक्ती मिळू शकते. कोणते ते जाणून घ्या. आरोग्यासाठी आहे फायदेशीरः
कच्चा कांदा फक्त उष्माघातापासूनच सुरक्षित ठेवत नाही तर अनेक आजारांपासून देखील तुम्हाला वाचवू शकतो. कच्चा कांदा खाल्ल्याने उच्च रक्तदाबापासून कर्करोग आणि हृदयाच्या आजारांपर्यंतचा धोका लक्षणीयरीत्या कमी होतो. याशिवाय पचनक्रिया व्यवस्थित राहण्यासही मदत होते. वास्तविक, यामध्ये असलेले मॅग्नेशियम आणि इतर खनिज क्षार शरीरातील रक्तप्रवाह सुरळीत ठेवण्यास मदत करतात, ज्यामुळे ऊर्जा पातळी राखली जाते.
रोग प्रतिकार शक्तीः कांदा शरीरात रोगप्रतिकारक शक्ती वाढवण्याचे काम करतो. यामध्ये फॉस्फरस, मॅग्नेशियम, पोटॅशियम आणि व्हिटॅमिन-सी असे अनेक गुण असतात, जे शरीराला निरोगी बनवण्यास तसेच इम्यूनिटी वाढविण्यास मदत करतात.
कॅन्सरपासून बचावः कांद्यामध्ये अँटी कॅन्सर गुण देखील असतात. ते शरीरात कर्करोगाच्या पेशी वाढण्यापासून रोखत नाहीत तर त्यांचा नाशही करतात. अनेक अभ्यासांमध्ये असा दावा करण्यात आला आहे की, जे कांदा खातात त्यांना कॅन्सरसारख्या गंभीर आजाराचा धोका कमी असतो.
हाय ब्लड प्रेशरः जर एखाद्याला उच्च रक्तदाबाची समस्या असेल तर त्याने कच्चा कांदा खाल्ला पाहिजे. हृदयाशी संबंधित आजारांमध्येही कांद्याचे सेवन फायदेशीर ठरते. यामुळे हार्ट अटॅकचा धोका बर्‍याच प्रमाणात कमी होतो.
पचनः पचनाच्या समस्यांवर कांद्याचे सेवन फायदेशीर ठरू शकते. पचनक्रिया मजबूत करण्यासाठी आणि पोट निरोगी ठेवण्यासाठी तुम्ही कांदा सलादच्या स्वरूपात खाऊ शकता.
विविध संक्रमणांपासून आरामः कांद्यामध्ये अँटी एलर्जिक, अँटी ऑक्सिडेंट सारखे गुण असतात, जे शरीराचे अनेक प्रकारच्या इंफेक्शपासून संरक्षण करण्यास मदत करते.
लोह कमतरताः कांदाला लोह, फोलेट आणि पोटॅशियमचा उत्कृष्ट स्रोत मानला जातो. यामुळेच कांदा खाल्ल्याने शरीरातील लोहाची कमतरता दूर केली जाऊ शकते.
