सोशल मीडियावर मुलींच्या थरारक करामतीचा एक व्हिडिओ व्हायरल होत आहे.
मुलींचे दुचाकी किंवा चारचाकी चालवतानाचे अनेक व्हिडिओ आजवर समोर आले आहेत. यातील काही व्हिडिओ इतके मजेशीर असतात की, मुलींची करामत पाहून समोरच्याला हसू आवरत नाही. मात्र सध्या व्हायरल होत असलेला व्हिडिओ पाहून नेटकरी या मुलींवर संताप व्यक्त करत आहेत. सदर व्हिडिओ हा एका हायवेवरील आहे. येथे चार मुली एका दुचाकीवर स्वार आहेत. या चौघींनी देखील वाहतुकीचे सर्वच नियम मोडले आहेत.
To your notice at palm beach road, Vashi. 4 girls travelling on 1 Scotty, taking videos and selfies, without helmet. Enjoyment is a different thing. This looks casually suicidal. Young blood needs more awareness. May b highest fines on such acts will help. Date:25/03/23 17:12 hrs pic.twitter.com/D3MStVx72b
— Rupali Sharma (@RupaliVKSharma) March 26, 2023
मिळालेल्या माहितीनुसार, वाशी (Vashi) येथील पाम बीच रोडवरील हा व्हिडिओ आहे. यामध्ये या चारही मुलींनी डोक्यावर हेल्मेट घातलेलं नाही. तसेच स्कूटीवर त्या अगदी चारचाकीला मागे टाकत बुलेटच्या स्पीडने स्कूटी चालवत आहेत. कारमध्ये बसलेला एक व्यक्ती व्हिडिओ रेकॉर्ड करत असताना अचानक या मुलींची दुचाकी त्यांच्या फोन समोर येते आणि क्षणात गायब होते. हा व्हिडिओ त्यांनी आपल्या ट्वीटर अकाऊंटवर पोस्ट केला आहे.
