येत्या 120 वर्षांत जपान जगाच्या नकाशावरून गायब होऊ शकतो आठवड्यातून तीन दिवस रजा घ्या आणि मुले जन्माला घाला, अन्यथा …

जपान : जपानची राजधानी टोकियोमधील घटत्या लोकसंख्येच्या पार्श्वभूमीवर सरकारने मोठे पाऊल उचलण्याचा निर्णय घेतला आहे. येथे लवकरच चार दिवसांचा वर्क वीक लागू करण्यात येणार आहे.

या उपक्रमाचा उद्देश लोकांना कुटुंबासोबत अधिक वेळ घालवण्याची संधी देणे, त्याद्वारे त्यांना अधिक मुले होण्यास प्रवृत्त करणे हा आहे.

टोकियोच्या गव्हर्नरने जाहीर केले आहे की 1 एप्रिलपासून कर्मचाऱ्यांना आठवड्यातून तीन दिवस सुट्टी मिळेल. याव्यतिरिक्त, ज्या कर्मचाऱ्यांची मुले प्राथमिक शाळेत आहेत त्यांना वेळेवर कामावरून घरी जाण्याची परवानगी दिली जाईल. Japan population राज्यपाल म्हणाले, “आम्ही अशी व्यवस्था निर्माण करू, ज्यामध्ये कोणालाही करिअर आणि कुटुंबात तडजोड करावी लागणार नाही.” आरोग्य मंत्रालयाच्या आकडेवारीनुसार, जपानचा सध्याचा जन्मदर फक्त 1.2% आहे, तर लोकसंख्या स्थिर ठेवण्यासाठी हा दर 2.1% असावा. हा दर वाढला नाही तर येत्या 120 वर्षांत जपान जगाच्या नकाशावरून गायब होऊ शकतो, असे तज्ज्ञांचे म्हणणे आहे.

जन्मदर घसरण्यामागे शहरीकरण, आधुनिकीकरण, उशिरा होणारे लग्न, कुटुंब नियोजन आणि आर्थिक दबाव यासारखे घटक कारणीभूत असल्याचे तज्ज्ञांचे मत आहे. जपानमध्ये वृद्धांची संख्या झपाट्याने वाढत आहे, त्यामुळे अर्थव्यवस्थेवरचा भार वाढत आहे. तज्ज्ञांचे म्हणणे आहे की, चार दिवसांचा वर्क वीक या समस्येवर उपाय ठरू शकतो. Japan population यामुळे, लोक कुटुंबासोबत अधिक वेळ घालवू शकतील आणि मुलांची चांगली काळजी घेऊ शकतील. जपानच्या या पावलामुळे जन्मदर वाढेल आणि देशाची लोकसंख्या कमी होण्यास प्रतिबंध होईल, अशी अपेक्षा आहे.